Loxística 4.0 na economía social: en que sectores hai máis oportunidades de negocio?

Nalgúns dos sectores máis importantes na economía da Eurorrexión Galicia – Norte de Portugal, preséntanse grandes oportunidades para crear ideas de negocio que axudan a optimizar e mellorar o proceso loxístico, aplicando as tecnoloxías da Industria 4.0 e os recursos que forman parte da Loxística 4.0, tales como drons, vehículos intelixentes, IoT, robótica de enxame, identificación por radiofrecuencia (RFID), etc.

Coa loxística 4.0 preténdese que os produtos cobren “intelixencia” e poidan “tomar decisións eles mesmos”, para ser máis autónomos a través do proceso de produción e de distribución. Porén, as súas vantaxes destacan máis nuns sectores que outros e, segundo a Academia de Economía Social do proxecto LACES, hai catro sectores que destacan sobre os demais.

Sector do automóbil

Dentro da automoción, a loxística 4.0 pode abarcar grandes oportunidades e traer grandes vantaxes ao mercado, xa que en moitas empresas do sector vese a aplicación desta tecnoloxía para as seguintes funcións:

• Xestión de frotas.

• Obter información en tempo real sobre produción, mantemento e rendemento dos vehículos.

• Selección especializada e comunicación inmediata con provedores necesarios para reparacións e recambios.

• Personalización de vehículos segundo distintos tipos de clientes.

• Aumentar a seguridade dos operarios.

• Localización de vehículos, reparacións e materiais por medio de ubicuidade e conectividade en liña.

• Instalacións de e-call.

• Creación de sistemas de transporte intelixente.

• Visualización de indicadores de produtividade e de fallos.

• Obtención de ciclos estritos de programación para actividades produtivas.

• Traballar con comunicacións unificadas.

Sector téxtil

É outro dos sectores que maiores vantaxes obtén ao aplicar unha das tecnoloxías ou elementos que compoñen a loxística 4.0, debido á cadea produtiva e de distribución que representa. Entre as oportunidades de negocio pódense extraer as seguintes:

• Produción con contribución ao coidado do medio ambiente (temas de seguridade industrial e

• sustentabilidade).

• Información sobre tendencias de moda e estilos de vida en tempo real.

• Optimización na cadea de distribución de acordo a mercados segmentados.

• Minimización de produtos auxiliares.

• Sincronización entre os diferentes compoñentes da produción de pezas terminadas.

• Eficiencia e optimización de etapas coa externalización de actividades.

• Mellorar a orde e organización de almacenamento.

• Optimizar o control de abastecemento de puntos de venda, de acordo a información en tempo real.

Sector comercial

O sector comercial ou de distribución é outro clave para a aplicación de proxectos que estean vinculados coa loxística 4.0, xa que se poden obter as seguintes vantaxes:

• Estar conectado cos clientes todo o tempo, a través de dispositivos.

• Ampliar e combinar fontes de información.

• Optimización de rutas de distribución.

• Mellora de comunicación e aumento de información con clientes internos e externos.

• Agregar valor engadido á empresa (diferenciación).

• Utilización de tecnoloxías RFID (radiofrecuencia) para almacenamento e recuperación de datos en remoto.

• Aumentar a flexibilidade e a adaptación con respecto ao mercado.

• Aplicación de automatización impulsada.

• Vixilancia constante de tendencias emerxentes.

• Administración e bo manexo de frotas e do equipo de persoal.

• Aplicación de ferramentas como a tecnoloxía de picking mediante visión (que utiliza a realidade aumentada nos almacéns).

• Integración de información física con información virtual no almacén.

Sector da hostalería

Por último, a loxística 4.0 ten á súa vez gran importancia na hostalería, debido a que se pode centrar nas seguintes accións a enfocarse e realizar:

• Mellora do servizo e a experiencia do cliente.

• Ter mellor organización.

• Optimización de recursos e do persoal.

• Unha toma de pedidos en restaurantes ou reservas en hotel máis eficiente.

• Ter hoteis con “habitacións intelixentes” e con “elementos interconectados”.

• Facilitar métodos de pago.

• Axustarse á personalización nas experiencias dos clientes.

En definitiva, a loxística 4.0 non só permite optimizar os procesos de produción ou xestión do negocio, senón tamén diversificalo engadindo novas actividades que poden aumentar os ingresos e facer a nosa empresa máis eficiente. Ademais, esta tecnoloxía permite ter unha relación máis directa, e nunha vía máis rápida e cómoda, cos clientes, tanto empresariais como particulares.